تغريدات

امس الضحى دقت مهاوي علينا=تقول واعدني بخبرك بأبيات
وحان الوعد بين الحبايب وجينا=ميعادها كحل عيووني بعبرات
هلا مها قولي عسا خبرينا=في شوفتك نفرح بعد كل مافات
ونهلت الدمعة بعد ما حكينا=خمس دقايق كنها خمس ساعات
حنا ترانا بالمحبة وفينا=سبعة سنين تحيي القلب لامات
وشلون عقب اللي مضا تتركينا=يالجادل اللي فارقه بالجديلات
انتي وانا قصة غرام السنينا=تبقا على التاريخ ضمن الروايات
يعني كذا فارق ترانا انتهينا=سهلة تبدل ضحكت القلب ونات
يعني تهدم كل شي(ن)بنينا=عادي تلبسني بثووب المعانات
الشاعرة مها:
ياصالح اللي صار غصب(ن) علينا=واليوم جيتك لجل قطع العلاقات
انا تراني مخلصة لك رهينا=مير الزمن مايستوي للملذااات
انا خطبني شخص مناا وفينا=وجاه القبول امن الاهل ببتسامات
نرضى بواقعنا ولو مارضينا=وانساير الاوقات ضيم ومسرات
ماعندي القدرة والأنفس حزينا=ماعندي الا الصبر في منتهى الذات
ياقطعك ياشي(ن)يزعل حدينااا=ويقطعك يادرب(ن) كثير المتاهات
من يجحد العشره جحد والدينا=ولافيه عشره تنسي بالسهالااات
ياصالح الله فوقنا معتلينا=كتب علينا بعدناااا والنهايات
الناس لو تدري بنا ابتلينااا=وحنا على وضح النقا والمروات