بث الحنين من أول الضي.. للطير

للمزن .. لاحضان الرجا.. للغنادير
للحب الاوفى في زمان الهقاوي
هدّ التعب... ينشي مع الغيم تبرير
ويمد لك طير السما.. نغم غاوي
مالك من ايام اللقا اي تقدير
إذا اعترى فيها.. قليل الخطاوي
بث الحنين من أول الضي.. للطير
يمكن يجيك من الصباحات.. هاوي
ماعاد فينا يا اعظم الصمت تعبير
هز الحكي دمعٍ تغشّى الرجاوي
نظن حنا لو تجوع العصافير
تموت اركانٍ تهبّ.. الغناوي
كن العذر في بادي الجرح تصوير
للخيبة اللي تستثير الحكاوي
صح الصبر دايم حليف التباشير
رهن الوقائع بعد مجّ الشقاوي
احساسنا يكمل بريح النواوير
كانت على ذكر الاساطير ..تآوي
ذرّ المشاعر في اطار التفاكير
يورق سبيل العمر فكر متساوي