كل العيون أدمعت من عين عبدالله

كل العيون أدمعت من عين عبدالله
من دمعةٍ كفها بأطراف منديله
أيو الله اللي دمع وأبكا البشر كله
لارحنبوها دموع ما تباريله
لاوالله ألا سكبنا الدمع ونهله
الدمع سكاب قبل القلب يدميله
على زعيم أمتينٍ راحل أنجله
لاوالله اللي ما مثله قاد في جيله
ماهو بمن يذعن الطاغي له الذله ؟
خلاه عقب الطغى يرجع باساطيله
ماهو بمن ينشر المصحف على المله؟
بأية لغة عرّف العالم بتأويله
ماهو بمن يشهد اله البيت بسجله؟
حتى وفود الحجيج إن جات تدعيله
ماهو بمن بدل اسمه لاجل يرضى الله؟
ماهوب أنا أزريت لاحصي ويش أفاعيله؟
مير العزا فيه دام الحمل مضحله
عبدالله اللي علاه الحمل ويشيله
هذا الخلف والسلف في رحمتك يالله
عساه في جنة الفرودس تنزيله
أمصغن أصمادته والشعب مصغله
وأنا أشهدنا لثمين الصوغ نصغيله