الكل في نايف من القلب فرحان

نصبر على ماصابنا من مكاريه
عسى الولي يحسن عزانا بسلطان
وجميع مسلم فأبو خالد انعزيه
يا الله يالمعبود يا عالي الشان
يا واحدٍ خلقك تعيده وتبديه
ترحم فقيدٍ غاب عن شوف الأعيان
مات وبقى بالقلب محدٍ بناسيه
أبو اليتامى والأرامل وشيبان
سلطان كل الخير صادق إمسميه
جزل العطايا مشبعٍ كل جيعان
اللي بعيد الدار واللي إمواليه
راع التسامح والتواضع والإحسان
المبتسم في وجه من جاه ناصيه
شيخٍ على مجده نصع كل برهان
ما ينحصي مجده وفايض حسانيه
فعايله كله للأمجاد عنوان
من وين ماجيت أذكره ما قدر أحصيه
لا شك نطلب له من الرب غفران
الواحد اللي كل مخلوق يرجيه
عساه ينعم عند ربه برضوان
في جنة الفردوس ربه إيجازيه
مرحوم يا راسٍ من الطيب مليان
بالخير يذكر كل ما حل طاريه
لنا الخلف باخوانه ونعم الاخوان
من مات منهم سد من بعده أخيه
إخوانه الوافين ذربين الايمان
الكل منهم للمعالي مساعيه
دايم فعايلهم صعيبات وسمان
زبن الدخيل اللي من الضيم حاديه
لعل أبو متعب على العز ومعان
الله يمد أيام عمره ويشفيه
العاهل اللي ترتهب منه عدوان
ما يخضع إلا فالمساجد إلواليه
فتح على شعبه من الخير بيبان
في كل ما ينفع بدعمٍ وتوجيه
ونايف ولي العهد للحق ميزان
بالعدل يعطي كل حقٍ لراعيه
ما حاد عن ما جاء بسنة وقرآن
لا جاه مظلومٍ رجع منه مرضيه
نايف بعدله نايفٍ وين ما كان
اللي خذا من طيِّب الفعل ساميه
نايف صدوق الفعل والقلب ولسان
كل المناصب سيدي تفتخر فيه
في قدر ما صاب المواطن من أحزان
على أبو خالد يوم ودَّع إمحبيه
الكل في نايف من القلب فرحان
بولايته للعهد من طيب ماضيه
عضدٍ لأبو متعب كما حد شامان
سيفٍ على الإرهاب بالعدل يفنيه
هذا وعذرٍ كان بالشعر نقصان
الكل ما نقدر بحقه إنوفّيه
الشاعر - مناحي بن عبدالله دهيم الشمري