يا كثر مامر علمٍ يجرح اسماعي

بعض الصداقات ماله يا حمد داعي
تمر مثل السحاب بلاهب الكنه
ماخّايله ياحمد شاوي ولاراعي
الله يعين العيون اللي تمنّنه
تعبت اجامل زماني وانكر اوجاعي
اشعلت ضوي لغيري يالله الجنه
يا كثرهم يا حمد لو بحسب اتباعي
ابحرت في عالمٍ جيته على ظنه
عطيتهم فوق صاع الشعر من صاعي
طيبٍ ورثته وراثه مابها منه
والشعر من فضل ربي يعكس اطباعي
حتى ولو جلجلت في صدري الونه
ماني على بعض الارياء دوم مطواعي
لي منهجٍ ما يخالف منهج السنه
كم ليلة شفت يامشكاي مصراعي
ناسٍ على السر والمحظور منجنه
والطيب ينعاه في هذا الزمن ناعي
ولاعاد تشفق على هيله ولابنه
في مجتمع بالنميمه والخطا ساعي
وابليس يرعى ذلول الشر ويعنّه
يا كثر مامر علمٍ يجرح اسماعي
واقول خله.. ياعله ..حظ ..ابو زنه