* ماهو موقفك يابو المعاكسات من هتافات الجماهير ومتى بدأت وممكن توصف لنا العلاج؟ سعد عبدالله - الرياض -القضاء على غثاء برامج المشجعين الفضائية اللي وراء كل المصايب! * الأخ معوكس عقبال ما نراك رئيسا للجنة الانضباط.. يقولون انك انسان حقاني.. ولا يهمك أحد؟ وستطبق القرارات العادلة على الكبير قبل الصغير؟ صحيح وإلا حلم؟ يوسف المطيري- المدينةالمنورة -حلم مغرد صار علما وعينوه وقام بالواجب! *وعيباااه يامعوكس .. ننشد التطور الرياضي وهذه برامجنا يضحك عليها القاصي والداني.. برأيك من أوصلها إلى هذه الحال؟ صالح العنزي- عرعر -أوصلها فاصل ونواصل ومقرمش! * الجميل معوكس وين قرارات المنع، ماغير نشوف الإداريين يتندحون بالملاعب؟ ظنك يتحدون وإلا ما فيه قرارات؟ عمر العتيبي- الطائف -ما فيه إلا خيقي بيقي يارفيقي! * الأستاذ أبو العواكيس متى يظهر نور الرياضة الحقيقي ونحتفل مع بعض بالعدل والإنجازات؟ خالد الحميدي- بريدة -إذا شبكوا العداد! * ماهي حقيقة ان بلاتر خذاك إعارة لتكون متحدثاً باسم الاتحاد الدولي لكرة القدم.. المهم لا تنسَ المترجم معك؟ رشيد العبدالله - الجوف -خذاني الموعد الثاني وبلاتر نوى يغيب وينساني! * يقولون إن المدربين واللاعبين والشرفيين والجماهير يخافون منك.. وانهم إذا شافوك في المناسبات توزوا عنك.. صحيح؟ بدر السالم- الخبر -ليه يابوسالم قالك (بعبع) خلف قرارات بعض اللجان! * ماهو موقفك يامعوكس مما يحدث الآن في وسطنا الرياضي وهل لديك علاج ياكبير النقاد؟ فهد الحميد- الرياض -من أمن العقوبة أساء الأدب ورفع القبعة! * قلنا الحقيقة يامعوكس من صاحب الفضل بعد الله عليك في حياتك.. لا تقول صياد؟ أحمد الثبيتي - الطائف -لا تقول صياد خل العيون عنك تقول! * ماهو أصعب قرار اتخذته في حياتك يامعوكس؟ وماهو عطرك وطبقك المفضل وتحب تسافر وين؟ أحمد الحمد-بريدة -أصعب قرار اعتزال اللعب.. والعطر بربري.. والطبق المطبق والقلابة وأحب أسافر ديرتكم واصور مع برج المياه! * قل الصحيح يامعوكس وقل لنا توقعاتك من ياخذ الدوري؟ رضا عبدالله - ضباء -الصراحة اللي له في القوم ولد عم وخالة! * متى تزورنا في حائل يامعوكس عشان نحتفي بك ونسوي مباراة بين الطائي والجبلين، ويمكن نخليك الشوط الأول مع الطائي والشوط الثاني مع الجبلين؟ عبدالله الشمري- حائل -والثالث مع برشلونة يابعد حيي! *عزيزي معوكس أنا أحس أني بديت أكره الدوري، ممكن تقول لي وش السبب، طبعاً بسبب خبرتك الطويلة بالمجال الرياضي؟ سفير الحلة - الخبراء -بلاه صار كله قرارات وبيانات واستئناف وأنا وابن عمي على.....! *صاحب المليون رسالة ابو العواكيس ما انت معي ان قرارات لجنة الانضباط مجحفة بحق الاهلي والهلال لا وتوقيتها سيئ قبل مباراة المنتخب مع العراق معقولة اللي وراها اتحاد الكرة أنا ما أصدق؟ نواف الصيخان- حي الفلاح - ولا والله يستر تصير النتيجة فتاكة! *قاهرهم وحابس دمهم أبو العواكيس وش رأيك في عنوان المطبوعة المتخصصة بعد قرارات لجنة الانضباط والله ياهم فرحانين متشققين ياخي وش ذا التعصب وين الحياد؟ بندر العصاي-عنيزة -فاقد الشيء لا يعطيه والعنوان يستاهلون عكسه! *الساخر الفنان معوكس أنت تشوف الهلال عنده محاور صح والله حرام ملايين على عادل هرماش وكاستلو وآخرتها يسحبون ارجولهم والطريق سالكة للمرمى علي الصالح- الرياض -سالكة ورافقتكم السلامة! مع تحيات معوكس وسلامتكم للتواصل مع معوكس بريد الكتروني [email protected] فاكس 4871070
