* الأخ معوكس متي نقتنع أن الرياضة فن وذوق وأخلاق أشوف أكثر الإعلام يدير الأندية واللاعبين ويولد التعصب بين الجماهير وهذا حال رياضتنا في كل مكان وزمان؟ متعب صويان - وتنشد عن الحال هذا هو الحال مطرسة في مطرسة! * صحيح يامعوكس أنك تخربط ويعطونك الجريدة مكافأة وين العدل والحياد والحرص على النصيحة وتعديل الأخطاء؟ عبدالله السعيد- الرياض -الخربطة طالعها عند اللي سددوا السلف وقالوا عنه مكافأة! * الاستاذ ابو العواكيس نسمع عن الرئيس الخفي والمسؤول غير الظاهر ومن يدير الأمور خلف الكواليس في الرياضة ياليت لو تكشفهم لنا؟ يوسف التميمي- الدمام -كل شي في وقته حلو واللي في القدر يطلعه الملاس! * الغالي والصديق الوفي معوكس الوضع الرياضي الحالي ينطبق عليه المثل ( كنك يابو زيد ما غزيت) ماهو الحل برايك للخروج من الورطة والفوضى؟ خالد السالم- الخرج - من شفت ندوات البهرجة والشو وانا غاسل يدي بتايد مع مبيض! * الاستاذ معوكس بالله عليكم عطنا رايك بقرارات لجنة الانضباط وكيف ترى المستقبل الرياضي وهل هناك (ذات عام) سيتم تطبيقه؟ راشد الدوسري- الخبر -لائحة الذات العام طلب بلاتر منها نسخة وقالوا في المطبعة وقبلك الاتحاد الأوروبي! *الهامور معوكس ما جديد الاخبار التويترية من احتراف اللاعب ميسي في ناد خليجي عاصمي وهل سيقام له حفل استقبال يليق بمكانته؟ عبدالله المطيري - الكويت - عقب الاستقبال الأول والفوضى وتشخيص بعض الناس معه ماظنتي يتعودها! * عزيزي معوكس بالله وشلون تعاقب لجنة الانضباط لاعبين مجهولي الهوية وفيه لاعبين يصرحون ويحشون ويتجاوزون على الهواء ما تعاقبهم؟ ناصر الحبيب- الجوف - لعيون الغالي كل شي يهون حتى لو زعل بلاتر وقدم استقالته! * الأخ صاحب المليون رسالة معوكس لماذا لاترشح نفسك لرئاسة الاتحاد الآسيوي .. يمكن تضرب معك وتجلس مكان ابن همام؟ سعد العوفي- عرعر -أهم شي أكافئ اللي رشحوني على طريقة الجدولة الرهيبة! * "عميد الحياد" معوكس يقولون سعر العجراء هذه الأيام مثل سعر الفقع عال جدا وش السبب؟ الله يستر لا نشوفها في ملاعبنا ومع بعض الحكام؟ سعد القحطاني- ابها -العجراء حصرية ولا تشتغل إلا بريموت بطاريته مطرفة تنتهي! *الحبيب الغالي معوكس وش رايك في الجماهير اللي زارت معسكر الريان القطري وزودته ببعض المعلومات؟ أحمد المحمد -بريدة حي الجامعيين -أقول بعذرهم دجوا ! * قاهرهم وحابس دمهم أبوالعواكيس وش الفرق بين تصرف لاعب التعاون فهد الثنيان وتصرف مهاجم النصر سعود حمود؟ نواف الصيخان-حي الفلاح - يمقن الواسطة ويمقن لا! *الأجمل والأملح عكوسي بصراحة أنا ماخذ على خاطري وكنت ناوي أقاطعك ماغير ذب علي أنا وخويي ابوعبيد وسوق الحمام لكن ماقدرت أصبر الحب بلوى؟ حمد الدوسري-ابومبارك- العزيزية - تكفى ياقيس خف علينا أنت وسنوات الضياع! * عزيزي معوكس وش عند بعض وسائل الإعلام تصف بعض إداريي الاندية بالراقين وهم إذا بغى الواحد يتكلم في القنوات ودك يسكت من التخبيص اللي يخبصه. مشعل الصيخان-حي الفلاح -العتب على الثقافة!! كور لافة * ابوسليمان-الرياض.. كثر منها! *علي السالم-الجبيل.. مافيه أمل! * موضي الهلالية .. الف مبروك! * بندر العبدالله.. والقادم أسوأ!! فاكس - 4871070
