* أخ معوكس : كيف أنهزم الهلال من الاتحاد وهو صاحب الخمسين بطولة ورأيك بالدعيع ؟! سفير الحلة – الخبراء -شكلهم مأكلين فول الحلة ياسفيرها! *معوكسنا الجميل يقولون القوالة إنهم شافوا ماجد عبدالله عند بوابة الإستاد في مباراة التعاون والرياض الأخيرة هل هذا صحيح؟ وأنت وش رأيك ؟ المرسل ابو سامي- من بريدة -وش يبي حفل اعتزاله وتم؟ *الأخ العزيز ابو العواكيس تحية طيبة وبعد..عزيزي لدينا مجلس بلدي محترم ماهمهم إلا الكلام ؟ كأنها بعض الأندية اللي بعد كل خسارة وفوز تطلع بيانات على الفاضي لا ويهاجمون بها النادي المنافس صاحب الكم الهائل من البطولات محبكم ابو محمد – روضة سدير - بيانات ومقاطعات والطموح بطولة كرت رادوي! * يابو العواكيس بسألك عن ..ياسر القحطاني...متى نشوفه لابس شعار برشلونة الاسباني وبعدين ليش بعض الكتاب كأنهم يكتبون صكوك يوميا طويلة ومملة جدا؟ بدر اليعقوب – القيصومة - شعار برشلونة قريب في اسواق العويس! *تحية طيبة يا ابو العواكيس .بحكم خبرتك الكروية ليش الإدارة الأهلاوية ما لقوا إلا كامل الموسى يتعاقدون معه وهل ظنك يحقق مع الأهلي كأس الدوري الموسم الجاي؟ حمد محمد المرحبي—الرياض - وزادوا عليه بكامل المر ووش حدك على المر قال هزازي! حسام غالي * صديقي العزيز معوكس: لاحظت في استفتاء الرياض الرياضي لم يتضمن أفضل صحفي رياضي حتى أرشحك أنا وجميع محبيك العريقين؟ صديقك معاذ الحميد-مرات - عارفين اني ضامنها بالكعب وبيض عيون * ما تلاحظ يامعوكس ان التعاونيين ضاقت صدورهم من بقاء الرائد، ماهو تفسيرك لذلك؟ رائد البسام – بريدة - ابدا روح رياضية بنكهة الكليجا! * شفت يامعوكس كيف رد حسام غالي الجميل لإدارة النصر عقب ما دافعت، يعني سوى هجمة مرتدة ؟ سعود الخماشي- الخرج - خلاص قلبوا عليه وراحوا فيها هو ووكيله حبيب الشاشات! * العزيز معوكس وش السر في تغيير القناعات لدى اللي كانوا يهاجمون المرزوقي قلبوا معه الآن؟ منير ابو راهي –مكة - الترزز والتصوير مع الكأس! * البورفوسور معوكس الحمد لله بقي الرياض في الأولى وان شاء الله يصعد الى الأضواء الموسم المقبل، بس أهم شيء لاتجيه إدارة تبيع اللاعبين؟ سالم الحنيكي-الرياض - اصلا من عندهم الا حمود ومحيميد وراحوا للعريجا! *من هو برأيك يامعوكس اللي يستحق لقب "زعيم القصيم" الحزم وإلا الرائد؟ نواف الماحي-القيصومة - ما غيره اللي شعاره ازرق وازيرق ..وش يصير برازيل .. برازيل! *ماهو تفسيرك لبعض وسائل الإعلام المحلية التي حاولت تهميش مراسم احتفالات أندية القرن في لندن، أليس فوز الهلال باسم الوطن؟ أين الوطنية التي يتشدقون بها؟ عبد الرحمن الطريف-الرياض - الضغط يسوي اكثر! -*ألا تتفق معي يامعوكس أن المرزوقي حقق ماعجزت عنه أي إدارة اتحادية سابقة عندما قاد "العميد" لكأس الأبطال التي خسرها في عهد الإدارتين السابقتين؟ توفيق ابو الهناء – جدة - المشكلة فيه ناس يجيرونها لسابقه! *ماذا ينقص الرياضة السعودية يامعوكس حتى تتألق من جديد، وهل مقاطعة كأس الخليج للأندية مؤقتا قرار سليم خصوصا أن السعودية دائما هي من يحاول لم شمل الرياضيين العرب والخليجيين؟ فهد الطريخم – وادي الدواسر - اقول هذا ماصار اتحاد كرة شكله اتحاد ناد والا وين الحكمة والعقل، يلومون مسؤولي الاندية وآخرتها تجميد عساهم لقوا فريزر 20 قدم! * الغالي ابو العواكيس ابغى رايك بصراحة بالتشكيلة الجديدة للمنتخب؟ صديقك بندر العصاي -عنيزة - اللي ينسقون مهاجم ويجيبون مدافع، صفقني انا وصياد كانها تشكيلة مدرب! * صاحب المليون رسالة ابو العواكيس ماتعليقك على التحام رادوي مع احد لاعبي بونيدكور الاوزبكي؟ عبدالرحمن الضويان - العليا - هذي ناقصها كاميرا القوبع ورسالة نصية لمن يهمه ويضغطه "الزعيم"! * عزيزي معوكس اقول يازين منظر رؤساء الهلال والشباب والاتحاد مع بعض وين الباقي؟ عبدالملك المرشد-عرقة - الباقي على شأنك في زعبيل * اغلى صديق معوكس وش رأيك في مدرب النصر الجديد زينجا؟ صديقك حمد الدوسري ابو مبارك-العزيزية في الملعب كنه دكان ذهب في الحلة متنقل
