الدار أسسها كريم ٍ ومحمود

ذكرى عزيزه عادت اليوم واتعود
في كل عام. ٍ نبتهج يا بلادي
في مملكتنا نحمد الله على الزود
قفزه كبيره فارقه بإزديادي
ديرة هلا العوجا صناديد وفهود
اللي لهم بالمجد رمح وهنادي
سلمان رمز الدار بالخير معهود
أبوفهد طيبه تعدّى البلادي
مليكنا في ساعة الضيق موجود
مايقبل أبد الظلم والإضطهادي
أبوفهد على العطاء ماله حدود
كم من فقيرن منكسر له ينادي
مد الجسور ومدته دوم في زود
ماقصّر بواجب كريم الأيادي
ومحمد الرؤيه كما المسك والعود
ولي عهد المملكه الجوادي
حكيم رأي ولالحق فيه منقود
هذا حفيد العود راع الشدادي
يبقى شبيه طويق للمملكه طود
إسمه يزلزل دوم أهل الفسادي
وتأسيس دار العز والمد والجود
على البسيطه بين ضلع وحمادي
والدار أسسها كريم. ٍ ومحمود
محمد ابن سعود راع المبادي
يوم انها بالسيف من خلفه جنود
أسس بلاده مايهاب الأعادي
حل الأمن من بعد ماكان مفقود
بإذن الولي اللي عليه اعتمادي
والظلم راح الظلم والأمن موجود
والشعب آمن بين حضر ويوادي
عبدالكريم ابراهيم ابن خزيّم - البكيرية