ألاعيب عشاق

ابعد انا عنها على شان تشتاق
واطيح بالحفره وانا من حفرها
وارجع لها من لهفة الشوق منساق
والبعد ماحرك خصايل شعرها
ماكنت احسب ان خافقي حيل تواق
الا بعد مااصبح غريق فبحرها
ياكيف اببعد والمحبه بالاعماق
تضغط على قلبي وتبدي خطرها
هي طبي اللي كل ماخاطري ضاق
ماغير اقلب في خيالي صورها
وارتاح وتزين الليالي والاخلاق
وترتاح عيني من بلاوي سهرها
ولا انا مالي ترى نية فراق
وش لي من اوجاع الليال وكدرها
هذي ترى مجرد الاعيب عشاق
وعقلي مغفل خاضها ثم خسرها