قلبك ما خفق

لا تشب النار بالقلب الرقيق
وش يفيدك يا نديمي لا إحترق
لا تذكرني بسيد أهل الفريق
شف نظير العين في دمعه غرق
تحسب إني داله وأقوى وأطيق
يا خَلِيّ القلب قلبك ما خفق
ما خفق بالحب وفراق الرفيق
علعله وأدماه وأحدث به فتق
الهنوف اللي إذا جت بالطريق
ياقف الماشي ويذكر من خلق
خدّها يبرق ورا الشيله بريق
والدواعج من ورا البرقع فشق
ما بها رحمه ولا قلبٍ شفيق
وإن حكت بالريق سامعها شرق
لا وربي ما عتق منها عتيق
من عرفها ضاع عقله وانسرق
محمد إبراهيم البطي