مشاعر خفوقي ..

يابو فهد عبرتي مما جرالي تويق
اكنها لا تطيح بعين حسادها
لانها في مثل حالاتنا ما تليق
احسن لها لو تموت بحال ميلادها،
كتمت غيظي بصندوقه وولع حريق..
واحرق مشاعر خفوقي واعلن حدادها
حملت نفسي حمولٍ فوق ما لا تطيق..
واتعبتها ما عرف هي وين مسنادها،
كل ما تراكيت ابي مسند و رجلٍ وثيق..
القى الردى في مناكبها وبشدادها،
يضيع هاك الصديق اللي تعده صديق..
غلطتك هذه يحسب حساب نشادها،
مهما تحاول تبي منفذ على اول طريق ..
لو تفصح الهرج مدري وين ميرادها،
تضيق قدمك فيافيها وصدرك يضيق..
كفنت هقوتك يالهاقي على مهادها،
لوعفت منها فلا يمكن تعاف الرفيق..
يا لله تعدل بميلتها وميعادها،
عبدالله الهقاش