سامحوني

سامحوني عن الغلطه وبعض الجواب
سامحوني على ما صار قبل الرحيل
عاتبوني ولو ماني محل العتاب
لو تحريت من بعض المواقف دليل
لا يطول الجفا ويلوح لون السراب
فيه غيثٍ يبين ولا يبيّن حصيل
الوفا والغلا والحب مثل السحاب
ليا نكسر لك هواه وهل وبله هتيل
تعشب الروح ويغيب الزعل بالضباب
ويتبدل هواها من جميل للجميل
يا مودي هزيل المكتبه للكتاب
خبر الطرقي اللي مر ماله مقيل
يتوقع ويحسب لليالي حساب
كل جره وطت بالقاع لازم تزيل
لكن اصفح وسامح لو فيها رقاب
يوم بعض العرب زلتك عنده قتيل
اقرب اقرب وتفهم ما حواه الخطاب
التواصل وحب الخير ماله مثيل
عبدالله الهقاش