في دار غربه ما أذوق السعادة

الله وكيلك عيشتي هم واحزان
في دار غربه ما أذوق السعاده
ذقت الجروح اشكال وانواع وألوان
ولحظ يا بعدي وغادي قراده!
عفت الكلام وشب فالصدر نيران
والكون زايد في عيوني سواده
أوضاع زادتني مع الكبت كتمان
والبعد زود في سكوتي زياده
أحيان ودي هلة الدمع واحيان
اطلق هجوسي والقوافي جواده
مابيننا أدري كم اوطان واوطان
مبعد عشان الجامعه والشهاده
لا اتزيدني شرهه ترى الحال تعبان
والضيق وقت النوم صاير وساده
قدرك كما هو لو على الناس ما بان
شاعرك يا منعه خوافي فواده
ما بيحه يفلان سده ولو كان
ضايق وطالت غيبته عن بلاده
همة هديب الشام والا بليهان
صبره غدا شلفا ذياب اعتماده
والله لو قلبي غدا اليوم بلسان
ان كان قلي روح لفلان ناده
ما غير خوف فلان ما عاده فلان
وارجع واجر الصوت عقب انخماده
واكسر رجا خفاق ما عمره انهان!!
بدري علي الحق شوية وداده
أدري أحبك يا بعد كل فتان
لكن كثير الهرج ما منه فاده
اقصر وروق دامه الحب منصان
لاترك ابو هالجامعه والشهاده
حمزة الهاشمي