القرص جاهز على المجمار برٍ على أحسن تواصيفه قم يا عميلي وشب النّار وبرّاد شاهي على كيفه ما قوده السمر والأخبار زينه على كل توليفه حمد عبدالله الوايلي - حوطة سدير على الفحم أشوف لي قرص مجمور ما عنده احدٍ يقلبه من حراره وبريق الغضار أظن به شاي محكور ولاّ حليب شياه يملى الغضاره سعود عبدالعزيز الهزاع – نعام برّاد شاهي والقرص فوق مجمار والجو كايف والليالي طويله والبرد ما له حس مع شبّة النّار وجلسة نشاما مثلها مستحيله ينسى بها الواحد غثى الشغل والدار فيها السعادة لو دقايق قليله خالد بن ناصر المخيمر – روضة سدير جمريةٍ بالبر محلا طعمها والبر يعطيها مذاق وحلاوه وشاهي على جمر الغضاء به ودمها ماهي من الفران طعمه نقاوه واللي مصلحها علم من علمها يعرف لها شغله رواق وهداوه عقلا خزن العنزي - تبوك الصورة اللي صورها ابن كمعان اشهد إنها من المناظر فريده جمري وجنبه حليب مسمان حالي ما يحتاج سكر يزيده قرص جمري مسويه فنان وإن كثّر السمن تسلم إيده تسوى مطاعم لندن ولبنان اللي أكلاتهم ما هي مفيده محمد سعد شبيب الجروي - الرياض ياما حلا الخبزة فطورٍ على الريق مع البريق اللي على جال ملّة لاجبت يا كمعان خبزة مع إبريق خلاص انا ما اشتهي شي لله إلا انسدح في فروتي بالمشاريق وأنوم الين الضلع يمتد طلّه عبدالعزيز السالم - حائل يا بكر صورة تفوق الوصف غوري مع قرص جمريه ذي غايتي والطلب والشف وخوة رجال ٍ شقرديه عبدالله بن عبود السهلي - تبوك يا محلا في البر قرصٍ وبرّاد بأرضٍ فرح منهو برجله وطاها في واديٍ غاشيه نبتٍ وأبراد ما به يكون الريم يخدش ثراها غرمان عبدالله المعيوف للبر .. والقرص .. دايم مذاق في جو طيّب والمكان الجميل هذا المكان اللي له الفكر راق ما مل وقته كان وقته طويل بشائر القحطاني - الرياض صورة العدد السابق نستقبل مشاركاتكم على إيميل الخزامى: [email protected] أو الفاكس رقم: 4871070 ونرحب بما تلتقطه عدساتكم من الصور النادرة والطريفة ويا هلا بالجميع..
