شوفتك سالم تراها تفرح الشعب السعودي

انورت شبه الجزيره يوم شفتك يا ملكنا
شوفتك سالم تراها تفرح الشعب السعودي
دام ابومتعب بخير وعافيه هذا هدفنا
جعل وقت الشر يا صقر العروبه مايعودي
انت سور المملكه يا سيدي وانته عمدنا
يفتخر بك شعبك المطنوخ وافين العهودي
انت عاهلنا ورمز امجادنا وانته فخرنا
يا ذرانا في نهارٍ للسماء برق ورعودي
شد حيلك وانتهض لمواصل المشوار قدنا
أمة الإسلام في رجواك بعد الله تذودي
حكمتك يا خادم البيتين بعد الله املنا
يا سليل المجد ذخر العود جعله في الخلودي
ويا ولي العهد يا درع الوطن سور لبلدنا
بعد رب البيت ياسلمان ياحامي الحدودي
انت رمزاً للدفاع اللي تفاخر بك بلدنا
من يبي يطمع بأراضينا وحنا فالوجودي
تحت أوامركم ترانا جند يا قادة وطنا
للعدا حنا ترانا مثل سمٍ فالكبودي
الولا والعهد والبيعه لكم من وقت اهلنا
والوطن حنا بعون الله من دونه جنودي
ما علينا خوف دام ملوكنا فينا ومنا
ياعسى ربي يمتعنا بهم زودٍ وزودي
زاد نورك نور يا قصر اليمامه في ملكنا
ودامت الأنوار والأفراح يالشعب السعودي
محمد غلاب الدلبحي