جمعة وفا لكبارنا والصغيرين

يالله يا رحمن يا قاضي الدين
يا عالما بالخافيه وأخرتنا
تحفظ لنا من شرفوا راية الدين
آل السعود اللي حموا مملكتنا
وتعز ابو متعب زعيم السلاطين
سلامته فيها نجد عافيتنا
يا سيدي واللي خلقنا من الطين
أكثر من اوراق الشجر بك ثقتنا
وكثر ارتداد الرمش للرمش بالعين
ندعي عسى الله يحفظك بأدعيتنا
وكثرالحجيج وكثر صف المصلين
حنا جنودك والفعول أكفلتنا
وكثر الوفأ بقلوب كل المحبين
لك الولا منّا وبك مفخرتنا
ولاءنا أول وبكره وهالحين
ما نخلفه دام الولا من صفتنا
جمعة وفأ لكبارنا والصغيرين
وإلنا الفخر دامك ملك مملكتنا
يا سيدي بالعسر واليسر واللين
يا كثر ما يدك الكريمة عطتنا
والحمد لله بين حين ٍ الى حين
كم دولةٍ بالظايقات ازبنتنا
حنا الولا حنا الوفأ والكريمين
ودون الوطن قواتنا مااخذلتنا
من فضل ربي في ذراكم سعيدين
أمن ٍ وأمان ٍ والدول هايبتنا
ومن شذ عنا في ديار المعادين
ينبح بكيفة نبحته مااشغلتنا
واختامها يا أهل الوفأ والقوانين
لأجل الوطن لازم نعزز صلتنا
وبصوت واحد رددوا .. قولوا آمين
الله يحفظك يا ملك مملكتنا
محمد الحلوان