ديوان العرب

الشعر ديوان العرب ما به اشكال
تاريخ حافل والمصادر وكيده
عالج مواضيع جسيمات وعضال
وحلت قضاين بالمثايل عديده
يصعب نعدد ما عريضات وطوال
ذا محور المعنى وبيت القصيده
ما كل ما يعلم يقولون ينقال
مار الوكاد ان المسافة بعيده
وقفة ونظرة في سجلات الأجيال
والعلم للعقال ماحد يعيده
البيت له مخرج وللبيت مدخال
وقلبي يراسل هاجسي في بريده
وانا مع التفكير في نايف الجال
اودع الأولى وجيب الجديده
العاقل اللي عاصر أيام واليال
خصيم نفسه يفهم اللي يفيده
والعقل نعمه والمواقف لها أرجال
اليا حصل نظره والاريا سديده
ما فيه شك المال يزمي مع المال
والرابح اللي يلتزم بالعقيده
وبختم الأبيات حل وترحال
قصر المعرفه بالمعرفه نشيده
كل على همه وفنه بالأعمال
والشعر ما كل حقيقه يجيده
هذي حقيقة ما بها شك وجدال
يقوله اللي حجته في وريده
أحد ترى الحكمة رصيده والأمثال
واحد ترى المنقود دايم رصيده