صوت الصورة

يالله ترزقنا كما ترزق الطير
اللي يغادر عشه امن الصباحي
ولا ينتظر حافز ولاينتظر غير
ويضن جداره مع هبوب الرياحي
يا طير علمهم على وجهة الخير
الخير كله في رفيف الجناحي
فلاح مطر الحربي / القريات
كل يفق اثمه ويقول يمّه
تكفين انا الاول ومن بعدى اخوى
من سمع صوت امه زحف زحف يمه
يقول انا م الجوع يوه اتلوى
وقفت مسيكينه على غير يمه
مدخالها سدّنه طيور شلوى
ابراهيم العبد الكريم / الرياض
الرحمه واسعه كل مخلوق
وموزعه بين الخلايق بمقدار
والطير سلهم والعشاء فيه مرفوق
الزاد جابه للحواصل بمنقار
عبد المحسن بن محمد المحيسن - رياض الخبراء
سبحان منهو سخر الطير للطير
الي يجيه من الفضا فاردالريش
يجيه بالما والنما حزة الخير
والله يرزق كل كاين ويعيش
حمد عبدالله الوايلي
ياطير ياللي تنقل الزاد لضعوف
اما خشاش .. ولا من العيش حبه
الله يسوق الرزق للجوف بلغوف
وانت على ماقيل ( للرزق..سبه )
سعد الحماد - روضة سدير
لطير شوفوا مع فراخه
يسعى يتعب يربيهم
دايم بليلن مع إصباحه
يكدّ ويكدح يغديهم
ريان محمد الخنيفر - الرياض
اماً حنون ولا تمل المشاوير
تسعى على رزق الصغار وغذاها
افراخها بالعش عمي ومخامير
ومفتحين افواههم في حراها
سبحان ربن صخر الطير لطير
تقسم عشاهم من هشاها وماها
عقلا خزن العنزي - تبوك
عاد القحالي معبي الحوصله زاد
يطعم اثنين مفتحين المناقير
افتح ثمك يا طير ويرزقك من عاد
يوسف الى يعقوب من قاعة البير
سعود بن عبدالعزيز الهزاع - نعام
صورة العدد