صوت الصورة

كم واحدٍ ما تم له فرحة العيد
بأسباب دبابات مكثر خطرها
هذا خطر يا ناس يا أهل التحاميد
العام بنتي فيّ ربي سترها
العيد فرحه للقلوب المواديد
يحفظكم الله من يوالي كدرها
حميد بن خلف الملفي العنزي
تراك يا محمد بتنشب إذا طاح
احذر مخاطر وأنصحك لا تهوّر
عقب الندم ما ينفعك هم وصياح
كم واحدٍ مفقود واليوم مقبور
سعود عبدالعزيز الهزاع - نعام
يا راعي الدباب لا تصير مجنون
حافظ على الأرواح لا تستبيحه
حافظ على الأرواح وامشي على الهون
تفقد خويك وأنت سبّة مطيحه
خل السلامة لك شريعة وقانون
والله يجنبنا الخطأ والفضيحه
عقلا خزن العنزي – تبوك
ثلاث شبابٍ على الدباب
بالعيد فرحة في حواري الثمامه
متباشرين جوهم بين الأحباب
هذا الفرح يا جعل ما هو ندامه
سعد صالح الزهراني – الرياض
لا تزعجون الناس يا ربع بأصوات
العيد فرحه بين أفراج وجموع
هذا الخطر واضح وبادي علامات
أتلا التلايا صارت أحزان ودموع
خالد بن حمود القحطاني
يا سايق الدباب منته بمسموح
تمشي بسرعة وأنت جاهل مسارك
عساك سالم من إصابات وجروح
وتعود مع ربعك بخيرن لدارك
فواز بن سعود الحربي
ما ينفعك تصفيق من حولك حضور
ترفع غزاله والحمل زايد خطر
عساك سالم ما تأذى بالكسور
والقصد واضح غايتك لفت النظر
لو يعرف الإنسان تصريف الأمور
أشغلته الدنيا ونهايته القبر
عبدالله بن عبود السهلي - تبوك
ترفيعةٍ فيها الخطر محدق إحداق
مجازفه والروح في كف عفريت
بايع حياته مزهق الروح إزهاق
يا اللي على الدباب تحسبك اغريت
الناس تنظر لك وفي قلبها شفاق
القلب ميت مالها حل واخطيت
حمد عبدالله الوايلي - حوطة سدير
لا تترك الدباب يسقط على الأرض
وتقتل أرواح نفوس نفسٍ بريّه
ما غير تترفع وبالطول وبالعرض
ومحمّل الدباب بسرعة قويّه
سعد ناصر المسفر
يا راكب الدباب لا.. لا.. تهور
أفطن وخلك حذر من فعل الأخطار
بعض الفعايل من يا خي مجبور
لا تصير في موقف تدوّر لك أعذار
بشائر القحطاني - الرياض
نرحب بمشاركاتكم على إيميل الخزامى :
rb-khozama@alriyadh.com
أو الفاكس رقم: 4871070
ونستقبل ما تلتقطه عدساتكم
من الصور النادرة والطريفة
صور العدد السابق