صوت الصورة

طائر بلا جنحان ما يرتفع فوق
لابد ما يسقط على الأرض مطروح
قبله ابن فرناس طاير بلا أسبوق
تكسّرت إيديه والجسم مجروح
عقلا خزن العنزي - تبوك
ألعب تسلى خل خاطرك يرتاح
ترى العمر ملحوق لو راح كثره
وجوّد حبالك لا تسوي لك اتراح
لو انتثربك مختلف طحت حسره
وياللي تصوّر جاك من فوق ملواح
حذرا ينوشك والاصابات خطره
حمد عبدالله الوايلي - حوطة سدير
هذا فرح لكن تراها خطوره
إحذر تصير أفراحك أتراح ياصاح
كله لأجل تاخذ لك اليوم صوره
شف لك سلومٍ غيرها لأجل ترتاح
محمد عبدالعزيز الخنيفر - أشيقر
أرفق ترى حالتك خطره
وهذا التهور ليا من طحت
لو ينطلق وشهي الدبره
ما ينفعك لوشكيت وصحت
عبدالله بن عبود السهلي - تبوك
صورة العدد السابق
ان كنت صياد وماهر ولك قلب
قدم له الشوزل وخله يجي راس
مثل الصقر لا هد في ساقة الخرب
والا الحمام يحوم مع قومة الناس
عبدالكريم النغيمشي - الربيعية
لا ينقطع حبلك الهريان
ويروح عمرك على العودان
هذي الرياضه تبي فنان
يا قف على الحبل ابميزان
عبدالكريم عبدالرحمن السلوم – القرائن
عباس بن فرناس حاول ولا طار
يا مقلّده ما شفت في جسمك الريش
صوره مصورها يبي لفت الانظار
مصوّراً يبي من ذا العمل يا كل العيش
سعود عبدالعزيز الهزاع – نعام
يا مصور الصورة لك إبداع وفنون
لكن خطر هذا العمل فيه الاخطار
الحبل لو هو ينقطع صرت محزون
وتصير ندمانٍ .. ولا تفيد الاعذار
عبدالله سعد المسفر - الرياض
الله يستر على الطاير
يخوفك شكله ومنظرها
خويها حدرها صاير
متحمسٍ يوم صورها
لو طاح وتكسّر الداير
ما ينجبر كيف يجبرها
عواد بن مطرود الشمري – حائل
يا طايرن وين جنحانك
بالسماء مثل طياره
يا رب لطفك وسبحانك
لا تصبح إيديه في جباره
هشام محمد الدبيس - الرياض
صورة عجيبه شفتها ف (الخزامى)
فيها الخطر يا ناس لو كانت إبداع
واللي يصوّر صدق ما هو يلاما
متحمسٍ قبل الولد يا صل القاع
بشائر القحطاني - الرياض