فجر الأمل

ما جاء شبع إلا بعد صكت الجوع
وبعد الظماء نشرب قراح زلالي
وبعد السهر نوم على الناس مشروع
وبشر مريضك بالشفاء بالتوالي
كم غائب ايس ولا عنده رجوع
ياصل ليا قدر عزيز الجلالي
وكم اهتدى من ضال ماهوب مردوع
والعاني الي فك قبل الزوالي
وقل للعتيم مهما تماديت مرجوع
لا بد ما يفضحك نور عدالي
لو طلت ياليل الشقى صرت متبوع
بصبح يزلزل عاليات الجبالي
وقل للهموم إن الفرج زرع مزروع
يعجبك لا منه صعد بالعوالي
وأبشر المنكوب لو همه اجموع
بلطف خفي في جميع الحوالي
ومهما الصحاري صارت اميال وبيوع
ترى الرياض الخضر بعد التلالي
والدمعة اللي بالمحاجر لها صوع
شف بسمه تبرا لها ما تبالي
والا من هو والخوف طايع ومطيوع
الخوف بعده أمن يجلاه جالي
ومع الفزع سكينتن تخفى الروع
والصبر يرسملك طريق المعالي
مهما حصل باقي على النصر قرطوع
وتردد التكبير روس الجبالي