عساه في الجنة

من بعد ظهر السبت جانا خبر شين
غاب اسد الاسلام وافي الخصائل
غاب الزعيم اللي حفظ عزة الدين
نايف ليا جات الامور الصمايل
ودع بلاده والاهل والمحبين
واظلم سماها كن ماهي قوايل
وتبكي الرياض ونجد وارض الحرمين
والساحل الشرقي وعرعر وحائل
وبكت على فرقاه مصر وفلسطين
والشام والاردن وكل الفصايل
نعزي القايد وشعبه موالين
درع لابو متعب بوقت الهوايل
ونعزي عيال الفقيد الكريمين
عيال نايف طيبين الشمائل
واخوان نايف والسعود السلاطين
زحول الرجال معدلة كل مايل
الصف واحد ما يصيرون صفين
وفي ماضي الايام شفنا الدلايل
يا الله ياقابل صلاة المصلين
ترحم فقيد الشعب راعي الجمايل
عساه في الجنة معي قولوا امين
يا الله يا معطي العطايا الجزايل
محمد بن زراق السميري