يا طريب المجد قصيدة للشاعر سعد بن محمد آل خاطر

يا طريب المجد
ياطريب المجد وزحول القبايل=والقنا والسيف والخيل الأصيلة
لك مكان يرتفع في كل طايل=يوم عاد الناس عيشتها ثقيلة
كم فقير ذاق في ظلك جمايل=في ذرا منهم يمدون الجزيلة
في طريب الخير ميراد الرحايل=عودت بحمولها يالله تشيله
عادة الشيبان هم زبن الدخايل=يمنون الحد بسيوف صقيلة
ذا زمان فات ما يبغا دلايل=في الجهل يوم المشوك والفتيلة
وانعمي ذا اليوم في خير وفضايل=في ذرا آل سعود حكام الفضيلة
بامر ابو متعب تعدل كل مايل=ياطريب الشرق ما يوجد مثيلة
والثنا والشكر وجزال المثايل=لابو متعب عد همال المخيلة
ولولي العهد عن كل الحمايل=شكرنا كل المشايخ والقبيلة
ولأمير المنطقة معطي الجزايل=فيصل المحبوب كساب الجميلة
بصمته في المنطقة مضرب مثايل=شكرنا له بالدعا في كل ليلة
ياسليل ملوكنا نعم السلايل =جعل خالد في بساتين ضليلة
نشكرك ثم نشكرك عد المخايل=نرفع البيضا لفيصل في الطويلة
الشاعر سعد بن محمد آل خاطر