عواكيس

* اقدم صاحب زاوية معوكس ليش فيكتور والحوسني انذرهما الحكم قدام لخويا..هذولا مهاجمين والا يلعبون دفاع؟
احمد الشهري- جدة
-يلعبون على المفاصل!
* الرزين ابو العواكيس ماهو علاج برود الفريدي مع الهلال وفوضى الفريق اذا لعب؟
سعود العامر- الخبر
-رسالة جوال!
* تصدق يامعوكس ان اكثر واحد نقرأ اسمه في اخبار الاتحاد هو مدير المركز الاعلامي؟
عبدالله الحامد - المدينة
-هذا والمنصب ماهوب طموحه!
* متى يقام لك حفل اعتزال يامعوكس لايكون غير راضين عنك الجريدة وزحلقوك مثل بعض الناس؟
فهد العبدالله - الرياض
- مازالت المفاوضات جارية مع برشلونة والمشكلة مرتبطين بملكة ميسي!
* وش رأيك بانطلاقة الاتفاق في كأس الاتحاد الآسيوي يامعوكس ان شاءالله يبيض الوجه في المباريات الجاية؟
راشد الدوسري- الدمام
- يبيض الوجه وماقصر!
* وش قصة مدرب الهلال هاشيك يامعوكس جلس فليلهمسون جنبه طيلة ال80 دقيقة امام بيروزي، كأنه بيصور معه؟
بندر الجغيمي- حفر الباطن
- قصته خلا الفريق كنه الاولمبي!
* الا تتفق معي يابو العواكيس ان البطولة الآسيوية يمكن تؤثر على الاهلي في بطولة الدوري؟
الاهلاوي احمد بديع- جدة
-يمقن تأثر ويمقن تودي جفين للدوري الاوربي!
* يقولون يامعوكس انك دكتور في العظام ومحلل رياضي ووكيل اعمال لاعبين ومدرب وعضو شرف,, وش بقي؟
سلطان الفريدي- المدينة المنورة
-بقي مقدم برنامج فضائي!
- ما ترى يامعوكس ان مخرجي المباريات متهاوشين مع جماهير الهلال ويعاقبونهم بعدم اظهارهم والا الميول مختلفة؟
عبدالله التميمي- الرياض
-شكل المخرج حاط شعار فريقه على الكاميرا!
* يقولون ان عندك عمائر وشقق تؤجرها على بعض الاندية والاتحادات، ياليت تؤجرنا يابوالعواكيس؟
عزاب الخبر محمد وصالح وعبدالله الدوسري
-آوه تحركوا (العذال)!
* صاحب المليون رسالة ابو العواكيس: وش قصة هوساوي مع الطرد والله هذا لاعب غير مبالٍ والظاهر مع قرب نهاية عقده ماعاد يهمه الهلال؟
بندر العصاي-عنيزة
-ماعاد يهمه ويبي إجازه!
* قاهرهم وحابس دمهم ابوالعواكيس وش رايك بموضة المتاجر والبكش عن اللي دخله في أول يمين مبلغ مالي كبير؟
نواف الصيخان-حي الفلاح
- يمكن هذي السياسة الاعلامية اللي وعد بها بعض الناس عكس الحقائق!!
* الغالي معوكس بعد المحبة لشخصك العزيز وش ذا الهلال وين راحت ذيك الطقطقة والفن يالتني ماشفت المباراة وبصراحة ضيعت وقتي وعطلت مصالحي؟
صديقك-حمد الدوسري-العزيزية
-الله وأكبر ياذا المصالح يانت مطالعها ياتسحب رجليك في سوق الحمام!
* الصديق الغالي معوكس ودي أعرف وش غير المدرب هاشيك بعد أشرافه على الهلال؟
عبدالملك المرشد-عرقه
-اللي غيره منتخب عرقه قدام منتخب سدير في نهائي السوبر!
* العزيز ابوالعواكيس ليش بعض الاعلاميين والاداريين يدافعون عن بعض المقالين أوالمستقيلين ويهاجمون لاعبي الفرق المنافسة ويحملونهم الأخطاء؟
ايمن العلي-الرياض
-مايمدح السوق الا من ربح فيه!
* الحبيب معوكس: وش رايك بمؤتمر المشرف على المنتخبات ماتلاحظ أنها طول والاعلاميين جاهم النوم؟
الشبابي-عبودي
-شويه طول أنت ماشفت ريكارد اخذ له غفوة وحلم أنه في البرازيل!