عواكيس

* الأخ العزيز معوكس
وش رأيك بنتائج المنتخبات السعودية في دورة الألعاب بالبحرين؟
صالح التميمي
-مايحتاج السلة والطائرة جابوا الذهبية!!
* متى شعرت يامعوكس ان الاحتراف غرب وحنا شرق وهل عندك نية للعمل في الأندية مستشار او منسق او مسؤول إعلامي؟
هادي المرسال
-ودي منسق مثل كميخ شغلتي التصاريح!!
* الحمد لله يامعوكس أن ما انت حارس مرمى وإلا كان راحت علومك خصوصا يوم رجع مالك معاذ للتسجيل؟
سمير المحيفير
-عاد اللي راجع ميسي والا بن زيمه!!
* كيف رأيت ياعكوسي مستوى الحكام في الجولة الماضية أكيد أعجبوك مادام فريقك فائز؟
خالد الدوسري
-رأيت تحكيم مرعي وليتني مارأيت ورددت جماهير التعاون بكيت غصبا بكيت!!
* يقولون انك يا معوكس تكتب في أكثر من مطبوعة .. وفي كل مطبوعة يكون لك رأي يعني تضحك على من؟
راشد الدوسري
-اضحك مع اللي ضحك لاشاف بعض البرامج الرياضية!!
* متى شعرت أن الاحترافية تدق أبواب الأندية بقوة وأن الخصخصة اغلقت الأبواب أمام أعضاء التشخيص والتصريحات؟
نواف العريني
-من يوم صاروا الوكلاء يشرهون بمليون!!
* الأستاذ معكوس احلى تحية بصراحة وش رأيك في مستوى الهلال في كأس الأمير فيصل هذا الموسم الأمور حتى الآن تمام وعلى مايرام؟ .
أبو تركي الرياض
-والإدارة لا تشجيع ولا اهتمام!!
* الغالي معوكس كيف رأيت مؤشر الدوري السعودي وهل تظن انه سيمر بتقلبات أرضية وليس جوية؟
عبدالله الدويغري
-مثل مؤشر الأسهم!!
* ماذا يمثل لك يامعوكس الظهور عبر الفضاء طموح أم سذاجة أم قلة سنع؟
غالي الشمري
-ترزز وعرض للكبكات والشمغ بالنشاء!!
* صحيح يامعوكس انهم وقفوا لائحة الانضباط الجديدة؟
فهد الفريدي
-يجيها العفو بعد مضي نصف المدة!!
* فسر لنا يامعوكس توقيع احمد الفريدي مع وكيل أعمال غير هلالي هل الرجال ناوي على شيء.. واذا كان ناوي ماهي نصيحتك له؟
بدر العمري
-ناوي له على نية ودول يصبر شوية!!
* المغرور معوكس ما تحس أن التعاونيين ودهم يهاجمون الحكام بس خائفين ..ليش؟
عمر الفهد
-من مصيدة التسلل!!
* الناقد معوكس عساك شاهدت مباراة نجوم الخليج في الكويت ومن اعجبك منهم في مباراة تكريم لاعب الامارات ذياب عوانة؟
ياسر العنزي
-عرض كروش ودعاية رز بسمتي!!
* هل نستطيع يامعوكس القول انك انسان عصامي بدليل كفاحك في هذه الزاوية مع صياد لاكثر من 25 عاما؟
فالح الظفيري
-عصامي وضاغط على بعض الناس!!
* وش أخبار جمال تونسي يامعوكس وليش ترك الوحدة؟
احمد عبدالرحمن
-مايرأس درجه أولى!!
* صراحة لقيت لك شغلة يامعوكس تناسبك جدا وهي ان تكون معد .. شرط رايح يلتف حولك وحواليك بعض الناس .. وبعدين ويش المشكلة تصير معد في اكثر من قناة وتكتك الامور مع اكثر من زميل وانتم اللي تتحكمون من اللي يطلع ومن اللي ما يطلع؟
سعد القحطاني
- معد طائرة !!
* الحبيب أبو العواكيس تحية وبعد:
لو اقتحمت المجال الفني وتحديدا التمثيل تفضل أي دور؟
عبدالملك المرشد-عرقة
-الدور الخامس!!
* صاحب المليون رسالة ابوالعواكيس
ياخوي ذبحنا اسامة هوساوي مرة فرنسا ومرة البرتغال يعني الى ذا الدرجة ماجازت له العريجا
حمد الدوسري- ابو مبارك
- يمكن ماجاز له المندي !!