صديت عني

صديت عني ياهوى البال وش فيك
وقطعت فيني وانت منت بقطوعي
ما تدري انه كل ما حل طاريك
يفز قلبي من محاني ضلوعي
فزة غريبٍ تاه وارضه تهاليك
قاعٍ خلا مافيه للخلق دوعي
يفز ويدكه هموم ودواكيك
اليا تذكر ديرته والربوعي
متعطلٍ وادركه سقم المداريك
وشاف المنيه وايس من الرجوعي
وفي كل ليل افز مثله واناديك
ادعيك باسمك والخلايق هجوعي
وهذي ثلاث شهور صابر وانا ارجيك
وتصوعني فرقاك من غبت صوعي
خليل بن ذيب بن هدلان