وش حيلة اللي مات قلبه ! ولا مات

يا سعود هالدنيا على الكيف ما جات
ودي وودك والزمن له ميوله
وش حيلة اللي مات قلبه ! ولا مات ؟؟.
والجسم كثر الشوق زايد نحوله
واليوم من دمعي لك الله مقتات
دمع اليتيم اللي بليا حموله
كم تهت بدروبي على غير مشات
مثل الوليد ! اللي تناسى فضوله
الحظ مايل والمصايب جماعات
والخاطر المكسور زادت حموله
مرات اصون السد وابوح مرات
وجدي وجود اللي مضيع ذلوله
في قفر ما له غير بعض المناجات
في قولة َ( الله ) ذيك أقصى حلوله
يا سعود كم لي محتريها ولا جات
وان جات ! غير الجرح لا ما تطوله
حمزة الهاشمي