مناديل الحزن

بعد غياب يأتي الشاعر فالح الإيداء من خلال هذا النص (مناديل الحزن)، اقرأوا فالح لتدركوا كيف يجب ان يكون الشعر.. يقول:
يا منا ديل الحزن منهو عليه = تشتكين اللي لد مع العين باح
من هدر دمع الوفاء لا تشتريه = دام باقي بالوطا ليل وصباح!
ياعيوني اغرقي فيني وفيه = لا يطير الشوق مكسور الجناح!
والله اني ما سألت الوقت ليه = لين حتى صارت ضلوعي رماح!!
بين.. آه و بين..لا و بين..ايه = جيت اغني با الحزن سيد الملاح
وكل ما طاحت من عيوني وجيه =جيت كني صوت حى على الفلاح
النوايا غر والاشواق تيه = والمسافه من مدى شوفي براح
والزمان اللي طعني في يديه = من يلومه لا نفذ صبره وطاح!!
مادرى اني ذقت طعم اللي ابيه = وان دمعي سر مفتاح النجاح
ياعيوني مايموت اللي نبيه = والله ان الصدق ما فوقه سلاح
من عذابي مابقى شي احتريه = كل شيٍ صاح بي حتى المزاح
إعذريني وإعذريني وإعذريه = من شكا للريح همه والجراح!!
وسامحيني بالنهاية وكتبيه = دمعك اللي قصته رحلة كفاح