ماجتني الفرصة

هو مادرى عني وانا الاحزان منه مستفيد
ماجتني الفرصه على شان اندفع واصارحه
مالمشكله جرح مع الأيام في قلبي يزيد
المشكلة لا صار ما يدري بقلب جارحه
تعبت اسافر له بلا موعد ومشوار بعيد
يمكن مشاهد منزله يجلي الهموم السارحه
الملم اوراق الليالي الماضيه وارجع واعيد
ويصير كن اللي مضى من قبل عام البارحه
شوفته عندي دايم اعظم من العيد السعيد
من حقي افرح واهتني مثل النفوس الفارحه
ان كان يعرف مقصدي يقنع من ابيات القصيد
عليه يقرا ما جرى والوضع شعري شارحه
هذا واكرر مطلعي بتالي القصيده من جديد
ماجتني الفرصه على شان اندفع واصارحه