تضاعفت مشاعر الحب

تضاعفت مشاعر الحب سلطان
ما هي غريبه كل شعبك يودك
الشكر لله والثناء لعالي الشان
والحمد للمعبود بالخير ردك
عام مضى عساه ما جاء ولا كان
عدّى عساه من الألم ما يعدك
يا سيدي رافقك بالدرب سلمان
ابو اليتامى دايم الدوم عندك
وحنا دعاوينا شباب وشيبان
جعل الولي بكل العوافي يمدك
استقبلك مولاي ضمك بالاحضان
نعم الأخوة ما بها من يحدك
جاك ابو متعب فرحته فيك برهان
انك عضيده دام عزك ومجدك
زعيم الأمه دمعته تحت الأوجان
دمعه بها تروي قلوب تشدك
عبدالله اللي خلّد المجد باحسان
أبو الرحم وأبو الكرم ما يهدك
والشعب كله رحب بشوف سلطان
شعب السعودية سعيد بسعدك
عم الفرح بارجائها واصبح الحان
وقمنا نغني ضد من كان ضدك
بالعرضه اللي زادها الطار بأشجان
عرضة ابوك اللي عرضها لجدك
وياالله يا مولاي يا رب الاديان
يا حامي البيتين لطفك وحمدك
انك تخلي حكمهم عبر الأزمان
ال السعود بشرع دينك وحدك
وحنا لهم ضباط وافراد واخوان
نفخر ليا من قيل ذولاك جندك
تمت وصلوا عد ما سلّم انسان
على رسولك يا الهي وعبدك
بندر علي الهزاع