باشة الغيد

يامساء الخير ياهاك المساء والعيون
يوم زفتني الأيام لروموشها
بين نفح الغمام. وبين عطر الغصون
أقبلت فال والحظ أول أطروشها
ورد الأحلام نصف. ونصف فجرٍ فتون
دهشت اعيونها لعيون مدهشوها
طفلةٍ جت تغنا بالهوى والجنون
باشة الغيد لوالشال طربوشها
جيت ضامي نظر وازريت لا رواك لون
طلةٍ لا ابتعدعنها. ولا أنوشها
أنت ياشارد الأوصاف مثل الظنون
سابحات الخيال. أجفل من اوحوشها
ليلةٍ ساقت القمرا وغرالمزون
هوشها بالبروق وساريٍ هوشها
والدجاء ساهي ينساب بين الجفون
وهالة النورتحته. راية اجيوشها
ايه نورك على زهر الاماني حنون
لا انتثر من نجوم الليل واعروشها
والشعر يوم سافر منك مرالمتون
وانطحته الكفوف وعانق انقوشها
ياكفوفاً على لفت النواضر تمون
كنها للفقارا. تنثر اقروشها
تفتن الذوق مهما الذوق عمقه يكون
ولافتنها سوى تنسيف عكروشها