مليك يشيل الشعب في عيونه الثنتين

ابا أدعي ويااللي تسمع الصوت قول آمين
عسى الله يمداسنين في عمر عبدالله
مليك(ن) يشيل الشعب في عيونه الثنتين
وان كانه نزل في قلبه الطيب يشيله
تبادل مع شعب الوفاء سيرة الوافين
ولاهي غريبة فالوفاء عنده أجبله
كتبنا رساله للقريبين والأقصين
مليك (ن) وهذا شعبه يموت بأرضله
على شان من حاول يجر البلد للشين
يعود عليه الشين ويموت في غلّه
هذي دولة تأسست لجل نصرة الدين
ودستورها القرآن وتمشي على الملّه
حفظنا الشريعة وحفظتنا عن الغاوين
وسيف التلاحم بوجه من ضدنا نسلّه
حنا حزب واحد مانصوت على حزبين
حزب الشرع حنا وقائد الحزب عبدالله
ضعاف النفوس اللي تراهن على التخمين
على قولته يمكن وليته ولعله
ناصر بن عبدالله بن معضد بن خرصان