عسى فهد في جنة الخلد مثواه

صدر بيان ليتنا ماسمعناه
فقد المليك اللي علينا فقيده
رحل ودعنا وحنا بكيناه
ذي قدرة الخالق لأمر يريده
والله ليبقى خالداِ مانسيناه
بقلوبنا يبقى سنين عديده
لو ينفدي بالروح حنا فديناه
ومما بنا نكتب رثاء في قصيده
ما مثل أبو فيصل كثيراً مزاياه
وعزي لنا قفت أركاب الوليده
لكن عزاء الشعب السعودي بمولاه
الحكم باقي والحكومه رشيده
بعده أبو متعب عسى الله يرعاه
له مدة واقف بجنبه عضيده
النادر الصادق بنهجه ومبداه
راع الصفات الطيبه والحميده
وسلطان أبو خالد بسيره وممشاه
والشعب يبايعهم بديده بديده
لهم الولاء لأخوان نوره عطيناه
من عهد أبو تركي ولاهي جديده
طاعة ولاء من شعب مخلص وبرضاه
لحكامنا عز المواطن رصيده
عسى فهد في جنة الخلد مثواه
ويحفظ أبو متعب سنين مديده