الشعب كل عيونهم ناظرت غرب

الشعب كل عيونهم ناظرت غرب
نرقب ثلاثه وندعي الله ونرجيه
نرقب ثلاثه حبهم ساكن القلب
ومن بعدهم القلب الله معنيه
الاول الوسمي الى منه نصّب
من غرب وجاء حادر وهلت عباريه
وحياء الهشيم الدمدم اللي مشهّب
عقب اليباس يبين لون الحياء فيه
والثاني الشيخ العديم المجرب
ولي عهد الدار الله يخليه
اللي ب ظله عايشن كل هالشعب
يصعب علي لوجيت اعدد حسانيه
والثالث اللي حبه ازود من الحب
لو نفرش الورد الحمر مانوفيه
إي والله أرحب ياذرا نجد ورحب
ترحيبةٍ من مدن نجد ومفاليه
إلشوفتك ياسيدي انترقب
من شوفتك شعبك يحقق أمانيه
ياسيدي سلمان بعدك يعذّب
بعد الحبيب يعزر بقلب مغليه
ناصر بن عبدالله بن معضد بن خرصان العجمي