أسطورة العيد

كل عام وأنتِ العيد وأسطورة العيد
وكل عام وانتِ للوجود السعاده
وكل عام وانتِ يا عسى عيدك اسعيد
وارفع لك آيات الفرح والرياده
وكل عام وأحساس الغلا بيننا ايزيد
وأشتاق لك شوق المواطن بلاده
هذي سنة مرّت وأنا أقول وأعيد
اخذتي من هالجيل كل السياده
يا سيدة عمري على كيف ماريد
منك أنبعث شوق الولع في ركاده
يا حلوتي ما بالتهاني مناقيد
الله وهبها بين ساير عباده
جيتك وجيتي وأجمعتنا المواعيد
وكلٍ خذى بالعيد غاية مراده
كل عام وأنتِ للفرح فرحة العيد
وكل عام وأنتِ بالحلا في زياده
محمد الحلوان