هلا هلا

أنا جفوني سود من قل الرقاد
وأنتي جفونك سود من زود الحلا
صحيح بجفوني وبجفونك سواد
لكنّ هذي نعمه وهذي بلا
حبك عمل مُنهك ويحتاج اجتهاد
ويطيب لي معك التعنّي والكلا
لأني اعلم لو كثير الجهد زاد
يا احبك أنتي بينهن والا فلا
قلبي وأعرفه لو عطاك ولا استفاد
ما أحدٍ ملا جوفه سواك من الملا
تروح وتخلي معي ليل السهاد
وترجع وتاخذ حب وعهود وولا
ليا لفحني منك لو نسمة براد
أنسى ان قلبي بالغلا ذاب وغلا
والشوق يحرق بس ما يورث رماد
اللي تعلق في عيونك ما سلا
هلا هلا يا أغلا القرايب والبعاد
لو ما تجمّلني معك: هلا هلا
جيّتك صبحٍ يفني جيوش الهجاد
وغيبتك ليلٍ فيه الأشواق اقتلا
فاقدك مدري اشتقت لك حيل، المراد
ما أحدٍ على عرش الغلا غيرك علا