ألف جنبيه

على طاري الذكرى كتبت الحزن بابيات
عسى الله يعين اللي حياته شقاويه
وانا لاذكرت اللي مضى في زمانن فات
غدت كبدي من الهم والحب مبليه
اعيش الحزن واسهر مع طاري الونات
مع اللي نساني ياعلي جعله الحيه
عطاني مواثيقه وعهده مع العبرات
وسافرت من داره وانا مخلص النيه
رحلت وبقت في خاطري صورته بالذات
يجيني خياله كل صبحاً وعصريه
اسولف مع العالم وكني على موجات
وموجات عقلي تنجذب في طواريه
ومرت سنه وانا حياتي لهالذات
مع اللي خدعني بالهواء لعنبو حيه
صدمني وقلبي مابعد جرب الصدمات
هويته وهو بالغدر بيّت لي النيه
تغير وينبوع الفرح في ضميري مات
عسى من فرقنا ينطعن بالف جنبيه
يقولون في الامثال لاترجي اللي فات
وانا اقول صبرك ياالقلوب الهواويه
مطلق عشوان الهميمي