مواعيد الغلا

على الساحل الشرقي مواعيد الغلا كانت
لقيت اللي سهرت الليل كلي حلم لقياها
عليها رعشة الخجلان من زود الحياء بانت
يجاذبني هدبها واحتسي سكر محياها
تهني يالقلوب اللي من إجرام الهوى عانت
جروح البعد جعل القرب يغفر عن خطاياها
بعد لمسة كفوف الحب كل أيامنا زانت
تحقق حلمنا وإجروحنا لاقت مناياها
تقول الحب قلت الحب حب إقلوب ماخانت
وحبك للوفاء قصة وقلبي من ضحاياها
تقول البعد قلت إلعينك آتعاب السفر هانت
لعينك ماشتكي طول المسافة واتعاياها
هنادي والقلوب اللي لداعي شوقها لانت
لك الله ماسوى موتي يبي ينهي نواياها
أبي منك العهد والبعد حانت ساعته واّنت
هوانا لايموت النفس مادري عن خفاياها
وقالت بعد مانفس المولع بالهوى شانت
وربك مايموت ابروح من تسكن خلاياها
توادعنا لو إن النفس طاري البعد مادانت
توادعنا وسليا خاطري لقيا هداياها
هاني الزنيد الحارثي