صوت الصورة

جت الأباعر تحسب الفرت مليان
شعير ونقيع تعبي بطونها به
تابع حلالك لا توليه رعيان
حتى لبنها يباع ومحدٍ درايه
سعود عبدالعزيز الهزاع - نعام
يا راعي الشاصي ترفق على الذود
عطشان ينطر قطرة الماء تجيله
تكو من ما بين حاشي ومفرود
يرجن فرج منهو الخلايق ترتجيله
خالد بن ناصر المخيمر - روضة سدير
شوفت الحيران في وسط الربيع
تنسي الرجال بيته والعمل
لا رما بالشوف مع جو وسيع
عقب سيله ما وطاه إلا الهمل
رويفع بن دبسي الثقفي
حاسب تراها والفت كل مخلوق
تعطيها من الزاد باقيه
ياما حلا الخلفات من ندرة النوق
دفاق والكل تسقيه
سعد الحماد - روضة سدير
بنفح الخزامى على عساف
ارسل على القاري الصورة
شوف المجاهيم بالمشراف
أخير من شوفت الكورة
غازي قاعد السليس - الدوادمي
ما حلا من الجيب والمقهور
غير أمهاته ليا جنه
عسا دارنا ريف ما هيب دهور
مرحومة من راعى الفضل والمنه
عقاب سفيان العتيبي
أشوف لي حيران قدام نيسان
يشوفن بديه قبل لا يفحصنه
وشوي يبغن يركبنه علشان
يجرينه زين ثم يشترنه
محمد سعد القريشي - الخرمه
تسعة حواشي بالعدد عددهم
قامت تزاحم تنظر لراعيها
معربات نسلها من مجهم
وراعي السفاري حاشها شاريها
حمد عبدالله الوايلي - حوطة سدير
يا راعي الحوير وش انت ناوي
يمكن على القصاب ودك تبيعي
وان كانك للتجارة منت هاوي
خله مع امه يشبع ربيعي
سبيتان شرار العنزي - بريدة
صورة العدد الماضي