صوت الصورة

جزار يسلخ على شجره
مابه رقيبٍ ولا شايف
حسن النظافه مع الدبره
مطلوب المضيوف والظايف
سعود عائش الحربي، القاهرة
وصاك من وصاك تسلخ ذبيحه
تعليقها برجولها لا عد مناك
يبين لي مناك فيها جريحه
يكشف عليها البيطري لاعدمناك
شجعان سعود المقاطي
زولٍ كبيراً ومتعبه كثر الاتعاس
بأرضٍ قفر والذيب تسمع عواته
والصيد عنده منظره يجلى الأعماس
يشوق ناسٍ تعرفه من هواته
حمد عبدالله الوايلي
زوالٍ يجر الجلد والجلد ما طاع
والظاهر أنه من الكسل ما يقومي
من مدة الرجلين مع عوج الاصباع
يالله دخيلك من رداة العزومي
مشاري خالد الدعجاني، شقراء
العيد عيدالله والكرم ماله مثيله
يذبح ذبيحة العيد من وجدها
واللي يشح بعيده بخيل ياعزتيله
ماشاف الزول علق ذبيحته بيدها
محمد سعد القحطاني
يا مراقبين الامانة وينكم عنها
مصالخ تحت كل جدار وكل طلحه
لو يحرق مخلفات الذبح ويدفنها
هانت علينا بلاوي صلخه وذبحه
عبدالعزيز علي الصالح، حائل
ما بقى غير النحر والراسي
ليه جبت القوة المدفونه؟
احضر الساطور .. والا الفاسي
وقلنا كيف الشوي وفنونه
لطيفة محمد العبدالرحمن، الرياض
في نقرةٍ بالبر والجو حامي
صيده جزل في ظل طلحه زبنها
هو والزمن والجلد في حرب دامي
لو ماشفاه الوقت شالت عفنها
سعد الحماد، روضة سدير
الأفضل أنك تذبح الأضحية أنت
شف الكهل علق خروفه بدوحه
تكفي عن أهل البيت والابن والبنت
وأمة محمد قالها وانت اوحه
سعود بن عبدالعزيز الهزاع، نعام
رغم القسى زادت حلاوه
المعيشه خلت الرجل عليها يطيقي
ما مشى في نجد ولا السماوه
وان صدق ضني من شمال افريقي
سبيتان شرار العنزي، بريدة
صورة العدد الماضي
زاوية (صوت الصورة).. ونستقبل الصور الهادفة والطريفة.. ويا هلا.