ولي العهد حيَّوا قدومه

بيض الورق تكلمت تحت الأقلام
قالت ولي العهد حيو قدومه
وحنا الظمايا اللي على شوفه حيام
بشيرها قابل صلاته وصومه
يا مرحبا ترحيبة فوق الأرقام
وأكثر عدد محسوب زادت رقومه
أرض الجزيرة من تهامة إلى الشام
حيت بشيخ في سماها نجومه
هذا الصحيح اللي عليه العلم قام
دولة رع العوجا وشعبه وقومه
في ظل أبو متعب موازين الأحكام
حلالها لي صار طيحه وقومه
حنا معه قدام لي قال قدام
والشعب كله دون حده حكومه
واللي بعث فينا محمد بالإسلام
انه المليك اللي عداه مهزومه
والحر ضام اعداه ماهو بينضام
أدمت مضاريبه وصابت سهومه
القايد اللي عانق المجد ضرغام
قويت عزايم جيشنا من عزومه
وطبع الخوارج مالها عهد والزام
منزوعه منها الثقة ومعدومه
الحوثي اللي سيرته تحت الأقدام
يموت وحدود الجنوب محكومه
يا خاين الجيره على وجهك الثام
محموم واللي من وراك محمومه
علي بن محمد بن الجذع القحطاني