يامرحباً سلطان

تكلم الشعر الحقيقي مجاوبك
دليل فرحة شعبكم في قدومك
تكلمت قيفان الأبيات تندبك
يامرحبا سلطان زالت همومك
حييت يامن توج الطيب شاربك
طيبك شمل ربعك وغطا خصومك
هزت قلوب تنتظرلك تراقبك
علومهم دايم تراقب علومك
قلوبنا يامير دايم تنادبك
والشك زال الله يمهل بيومك
أنا اشهد إنك مدي كل واجبك
ياقل من عزمه يجاري عزومك
يا الاشقر الصاطي عطيبه مضاربك
حوض المنية في مضارب سهومك
يالنادر اللي من تصيبه مخالبك
تفنيه بأمر الله منايا هجومك
لنا الفخر يامير زالت مصايبك
الله يلوم اللي بشعبك يلومك
الله يحقق يابو خالد مطالبك
عسى السعادة ماتفارق رسومك
محمد بن ناصر العريني