ثورة الهامي

كتبت أعذب حروفي لك
..وعشتك اجمل احلامي
يا اول من عشِق قلبي
...واغلى من سكن فيني
نثرتك في شراييني
...وشلتك بالسما السامي
شكيتك يااعذب جروحي
...ولاغيرك يواسيني
تمنيتك تجي لحظه
.... ولكن عشت باوهامي
تحديت الخطر لاجلك
...وشفت الموت في عيني
سهرت الليل من شانك
...وزادت لاجلك الامي
كسرت الحاجز اللي حال مابينك ومابيني
عشقتك وابتدا مشوار
حبي وسارت اقدامي
على ذاك الطريق اللي على بيتك يودّيني
أمُرّه ...واذكر اوقاتٍ مضت لي ذيك الايامي
واحس اني بها أسمع
صدى صوتك يناديني
سمعته ....وارتمت صحف
الغرام وخطّت اقلامي
عليك اعذب قوافي شعر ضمتها دواويني
نسيتك ؟ كيف انا بانسى؟
وطيفك دوم قدّامي
يجي أقرب من ظلالي
..ولاتاصل له يديني !!!
على ذكراك ياروحي تفجر ثورة الهامي
بأبياتٍ تذكرني بها لاصرت ناسيني