فل الحجاج

اصبر وعالج ضيقتك ببتهاجك
خل الصباح يبدد الليل بشروق
فل الحجاج ولا يتعكر مزاجك
مايضيع الخالق المخلوقة حقوق
الله عليم بضيقتك واحتياجك
عساه بالرحمه يجيرك من العوق
صل الفروض ولايتعقد حجاجك
يسوق لك ربك سحاب الفرج سوق
ذكره وشكره بالشدايد علاجك
تامن بظله من هل الغد والبوق
اللي جعل نورالعباده سراجك
ينجيك لاصار الفضا تقل صندوق
عنده الياضاقت عليك انفراجك
باب الفرج ماسكره دون مخلوق
لوهم غيرك بين الاضلاع ساجك
ترضا على همك وترتاح وتروق
اللي تشوفه من خلال اندماجك
يقنعك لو قلبك من الهم محروق
لو كان ما يصيبك يثير ارتجاجك
يمدي فقدت من الشرايين معلوق
خلك ثقيل ولا تطير بعجاجك
اركد لاطار مع اول العج مطفوق
الصدق في كل الميادين تاجك
مثل النهار بطلعت الشمس موثوق
لاصار تنقض بالكلام احتجاجك
علمك يجي ياراعي العلم مفهوق
ولاتنعوج يرخص غلاك انعواجك
المنعوج تلقاه باللوم ملحوق
ولاتسوق رجلك غير تعرف خراجك
فكر بعقل وسوق الاقدام برفوق
مقبل البلوي