واقعي

قررت أواجه واقعي واستصغره واكبر عليه
لين الدروب المظلمة تركع تبي مني الأمان
انت تعرف مبادئي من راح وربي ما ارتجيه
حتى ولو كان الثمن صكات بقعا والزمان
اصبر على ضيم الدهر لو هو عصر جرحي بيديه
ولا اطلب معونة آدمي لأن ربي المستعان
وش فيه وجهك انقلب؟! ما كان هذا اللي تبيه!!؟
والا متوقع بكتئب واحضن زوايا هالمكان
تبي الفراق؟! الله معك من باعني ما اشتريه
الباب يفوت مع جمل اثنين وأربع مع ثمان
وابشر بصدة من بكى على مفارق والديه
لا صد عن أردى الرجال لا يفكر دموعه هوان
اختر من دروب الفراق واوعدك ما اسألك ليه
بالعكس لك كل الشكر أيضاً وكل الامتنان
مثلك إلى من راح عنا غير مأسوف عليه
يعني بخريطة واقعي ما عندنا لمثلك مكان
أمل الرجيعي