آسف

طالع يا كيف الهم في وسط عيني
حتى المرايا كنها تقول وش فيك
كيف الألم من سبتك عاث فيني
والروح تتعب والسبب من تغليك
وش منية المسجون دامه سجيني
غير الأمل يرقبه خلف الشبابيك
بقعاء عنيده غيها محتويني
تفزع على زود العناء والشرابيك
وحالي تزايد من بعدكم غبيني
وش فايدة حبٍ تلاشى بتفكيك
من غبت عني غاب حتى حنيني
والروح تسعد لويجي بس طاريك
أبغاك انا يابنت وانتي تبيني
وياما سهرت الليل روحي تناديك
واليوم انادي واطلبك اتركيني
لعلني ارتاح لو كنت اغليك
أسف واسف والرجاء تعذريني
باقي بقلبي من جديدك و ماضيك
ياما على اوراقي كتبتك يديني
وياما قريت الحزن متعلقٍ فيك
عبدالكريم بن ابراهيم بن خزيم