أكبر خطيّة

مهما تظاهرتي في حسن نيّه
ما يقبلك قلبي ولاعاد يبغاك
أنتي خطا دايم وأكبر خطيه
أهديت لك روحي مع كثر ماجاك
كنت أحسبك قلبي وعمري وليّه
كنت أحسبك غاية لمن هو تمناك
وأقول فيك السحر والجاذبيه
ومن ناظرك مره من الصعب ينساك
مع الأسف قلبٍ يحبك بنيّه
مع الأسف خنتيه يوم إنه أوفاك
عطاك كل الشوق والنرجسية
وصرتي له حروفه إلى من تهجاك
خدعتي قلبي ليه يا الآدميه
وش جاك مني قولي بالله وش جاك
لا تفكرين إنك لعبتي عليّه
وأنتي الذي يمي تتسابق خطاك
ما ينحني راسي مع أية بنيّه
وأخذي كلامٍٍ يوصلك ويتعداك
الذيب لا هرول خطر لعنبو حيه
وأنا خويّه قلت بنساك.. بنساك
خلاص قلبي معاده يحتمل غيّه
دامه رفضك القلب ما أبغاك ما أبغاك
وأكبر خطا فيني مع أكبر خطيه
أهديت لك روحي مع كثر ماجاك!