حايل تراه الحل وكلمة جميلة

كتب لكم لغز الأسبوع الماضي محرر اللغز والذي يقول:
أنشدك عن بنت عطوف جميله
بنت على مر الزمن شانها شان
سميها عقب السنه تم حيله
والاسم الاخر بالوطى والسمهدان
اول وثالث حرف ضمن الفصيله
ورابع وثالث حرف في وسط بستان
وللأسف لم يتمكن من الحل الصحيح سوى:
يالله تعدل يالولي كل ميله
يالواحد اللي عالم كل ما كان
واللغز شاقن بالرموز القليله
والحل حايل ديرة كرام الايمان
خالد إبراهيم المرشود - الرياض
يابو رجا لغزك لزوم نجي له
ونحاول انحله ومن وين ما كان
حايل تراه الحل وكلمة جميلة
اهله رموز للكرم كل الازمان
علي الرشيد - رياض الخبراء
ياالله يامعطي العطايا الجزيله
يارب لطفك حين ميلات الازمان
واللغز حليناه مابه مثيله
حايل عساها للمطر غيث هتان
سعود عايش الحربي - جده
ياحي لغزك ياكريم القبيله
لغز عليه من الدها ختم برهان
لكن انا له واشتقي بتحليله
واقول حايل ديرتي ما لها اثمان
جزاع الناصر - حايل
اهلا هلا باهل العلوم الجزيله
يابورجا عادي سلايل كحيلان
واللغز له عندي درجة جليله
حايل وعاصمة الكرم كل الازمان
سعود السليس - الرياض
لغز الأسبوع
كتبه للصفحة علي مونس الجدي من الرياض ويقول:
انشدك عن بنت قديمه مع الناس
والحين صارت من تراث الرجالي
اول وثاني حرف له هيبه وباس
يقدم على الموت الحمر مايبالي
واول وثالث ورابع الحرف مقياس
وثاني واول حرف طبعه خمالي
نستقبل الحلول خلال «ثلاثة أيام» من نشر اللغز على إيميل الصفحة: rb-khozama@alriyadh.com