الباركود الذي على السلع شفته وقل صح والناس للالغاز عرافه

كتب لغز الأسبوع الماضي للصفحة الشاعر منير مذكر متعب العضياني والذي يقول:
ياويش ورعن غربب الشكل لا شفته
محدن كشف سره الخافي ولا شافه
سره أبجوفه مايظهر غير لا حفته
ببوه وأمه هي اللي تظهر اوصافه
وكانت الحلول من الشعراء:
الحل ياخوك بلمندوب كلفته
واظن حلي صحيح وجاك حوافه
الباركود الذي على السلع شفته
وقل صح والناس للالغاز عرافه
خالد إبراهيم المرشود - الرياض
الفكر ذا اليوم للالغاز وظفته
واهل المعرفه للالغاز كشافه
دوك اقرب الحل يوم الحل شففته
سعر البضاعات واهل الصنف عرافه
عبدالله العايد - الراض
الغطو ما اذكر اني يوم خالفته
مرماع فكري وفكري للغطو آفه
سعر محدد طبع والناس عارفته
وسط البقالات مايكاسر سوى التافه
عيد فريح البادي - حايل
نبغى نحاول نحل اللغز لاشفته
واليوم شفته وحليته ولا اخافه
الباركود ان شريت بضاعتك حفته
كانه مناسب او انه غالي عافه
عيسى الشلاحي - الرياض
لغز الأسبوع
كتبه للخزامى الشاعر عبدالله عايد المضلي من الرياض ويقول:
انشدك عن رجل بوجه الرجاجيل
رجل وله بنتين بالطيب مغرم
اول وثاني حرف يدخل مداخيل
واذا عكسته صار جرح بلا دم
نستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com